Fai dous anos, na semana da mobilidade 2006, foi noticia nos medios coruñeses un plan de Florencio Cardador que consistía en desprazar os bancos e deixar unha franxa de metro e medio. Na voz publicaron enografía e todo. No 2007, Nieves Váquez, sacou a luz a solución definitiva para acabar cos continuos conflitos entre peóns e ciclistas, tamén ía completar o carril bici, pero esta vez ía ser máis estreito e estaría todo engalanado cunha baldosa orixinal onde saia atorre de Hércules cunha silueta dunha bici ao seu carón.Esta solución, máis custosa e rebuscada, perdeuse no mesmo sitio que na anterior.

Terán valor de volver a sacar o tema ou irán pasarán soterradamente mirando para outro lado? Estamos moi atentos, coma sempre, e bastante fartos e fartas. A pregunta que nos facemos é: se non tendes intención de facelo, para que o anunciades?

Non obstante, aportaremos o noso gran de area facendo o día 20 un acto reivindicativo consistente en colocar globos cunha mensaxe polo tramo do paseo onde non hai carril. Quedaremos na praza de María Pita as 12 e logo dirixiremonos ao Espigón onde iniciaremos a inchada dos globos e a difusión da nosa reclamación. Invitaremos a todos os ciclistas e peóns fartos desta situación a inflar globos con nos a maneira de protesta e logo colocalos nas farolas do paseo e de máis mobiliario urbano. Invitamos a todo o mundo, peóns e ciclistas, que se anime a reclamar a ordenación deste tramo dunha vez por todas.

Vémonos o sábado 20 de setembro as 12 en María Pita e logo no paseo marítimo. Tamén quedades invidtados a facer o sinxelo exercicio de mirar nas hemerotecas un ano máis.