Despois do grande éxito das 12 horas en bici do pasado 26 de abril, unha nova masa crítica recolle o testigo. Será o venres 2 de maio con saída ás oito da tarde da Praza de María Pita. Como noutras veces, a partir das sete da tarde (unha hora antes de partir a masa), haberá un curso práctico coa posta a punto ou pequenas reparacións das vosas bicis, o mestre Bruji resolverá todas as dúbidas.

O percorrido da masa será: María Pita, Rego de Auga, Fama, Mariña, Cantón Grande, Canton Pequeno, Sánchez Bregua, Linares Rivas, Menéndez Pelayo, Emilia Pardo Bazán, Arzobispo Lago, Juan Flórez, Camino Baixo, Federico Tapia, Plaza de Galicia, Rosalía de Castro, Francisco Mariño, Praza de Pontevedra, San Andrés, Cordonería, Panadeiras, Praza de España, San Juan, Fuente Seoane, Millán Astray, Baltasar Pardal, Costa de San Agustín, María Pita.

 Que é a masa crítica? - Masa Crítica (movemento social) na Galipedia

O pasado sábado centos de vehículos non contaminantes circularon polas rúas da Coruña durante todo o día sen ningún tipo de inconvintes, nin molestias, nin impedimentos, nin problemas, nin excusas, e sobre todo, sen complexos. Outra mobilidade é posible. A xornada foi longa e intensa.

O sábado 26 de abril, calquera persoa coa súa bicicleta pode sumarse a este evento para demostrar que hai outras formas de desprazarse pola cidade sen malos fumes, ruídos nin atascos. Podendo entrar e saír a calquera hora e cantas veces se queira, esta marcha social pretende dar un toque de atención ás nosas adormecidas autoridades e invitar aos cidadáns a que coa súa actitude fomenten a diario o uso de transportes alternativos ao automóbil. É posible acougar o tráfico motorizado nas cidades e reducir o seu volume ata civilizalo e facelo compatible coas funcións e actividades que realizamos nas súas rúas. Coa vosa participación, conseguiremos unha cidade máis humana, tranquila e menos contaminada.